„სინოფარმით“ ვაქცინაციისთვის გამოყოფილ დაწესებულებებს, შესაძლოა, ამბულატორიული ქსელიც დაემატოს
თამარ გაბუნიას განცხადებით, „სინოფარმით“ ვაქცინაციისთვის გამოყოფილ დაწესებულებებს, შესაძლოა, ამბულატორიული ქსელიც დაემატოს.
ამის შესახებ მან უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე, „ინტერპრესნიუსის“ კითხვის პასუხად განაცხადა.
„იმ ადგილების რაოდენობა, რომელიც იყო „სინოფარმისთვის“ გამოყოფილი, განსაკუთრებით თბილისში, შეივსო. ჩვენ ამ კვირაში, ძალიან მალე, დღეს-ხვალ, კიდევ ვიმსჯელებთ და დავამატებთ დამატებით დაწესებულებებს. „სინოფარმი“ პოლიკლინიკურ დაწესებულებებში შესაძლებელია რომ ჩატარდეს, რადგან მასთან დაკავშირებული გვერდითი მოვლენები პროგნოზულად ყველაზე ნაკლებია. პრაქტიკულად არ არის ანაფილაქსიასთან დაკავშირებით რისკები გამოხატული. ამდენად, ამბულატორიულ ქსელში „სინოფრამის“ გაკეთება უსაფრთხოდ არის შესაძლებელია და დამატებით დაემატება ადგილები იმისთვის, რომ სწრაფად მოვიცვათ“, - განაცხადა გაბუნიამ.