თენგიზ ცერცვაძე - კლინიკებში ადგილებზე ჯერჯერობით პრობლემა არ არის - თუ პაციენტს უარს ეტყვიან ან დაუგვიანებენ ჰოსპიტალიზაციას, ეს მხოლოდ ბიუროკრატიის ბრალია
თენგიზ ცერცვაძის განცხადებით, ქვეყანაში არც ადგილების, არც სუნთქვის აპარატების და პერსონალის ნაკლებობა არ არის.
როგორც ცერცვაძემ ჟურნალისტებს განუცხადა, კორონავირუსისთვის მობილიზებული 6 000 საწოლიდან დაკავებული 3 600-ია.
„ადგილებზე ჯერჯერობით არავითარი პრობლემა არ არის. 3 600 კაცი წევს და 6 000 ადგილია მობილიზებული. სუნთქვის აპარატების, ჟანგბადის და ექიმების პრობლემა არ არის. დღეს, თუ რომელიმე პაციენტს უარს ეტყვიან ან დაუგვიანებენ ჰოსპიტალიზაციას, ეს მხოლოდ მათი ბიუროკრატიის ბრალია“,- განაცხადა ცერცვაძემ.