ნაპოვნია კორონავირუსის მუტაციების რეკორდული რაოდენობის მქონე შტამი
უნივერსიტეტის მეცნიერებმა და ანგოლის ჯანდაცვის სამინისტრომ.
აღნიშნული შტამი გამოუვლინდა 2021 წლის თებერვლის შუა პერიოდში ტანზანიიდან ანგოლაში ჩაფრენილ სამ მგზავრს. მათ აეროპორტში გაუკეთდა PCR-ტესტირება.
"ტანზანიის" შტამი გენეტიკურად განსხვავდება "SARS-CoV-2-ის საწყისი ტიპისგან, რომელიც გავრცელდა 2020 წლის ზამთარში ვუჰანში. ის ასევე განსხვავდება სხვა ცნობილ: "ბრიტანული", "სამხრეთაფრიკული" და "ინდური" შტამებისგან. ახალმა ვარიანტმა მიიღო დასახელება A.VOI.V2. მას გააჩნია 34 მუტაცია, რომელთაგან 14 შეეხება ვირუსის S-ცილას. აღნიშნული ცილა კი ადამიანის უჯრედის დასნებოვნებაში ასრულებს საკვანძო როლს.
შედარებისთვის: როგორც კვლევებმა აჩვენა "ბრიტანულ" შტამს, რომელიც დასნებოვნების მაღალი მაჩვენებლით ხასიათდება გააჩნია 17 მუტაცია, საიდანაც 8 შეეხება S-ცილას, ხოლო "სამხრეთაფრიკულ" შტამს, რომელსაც ფიქრობენ რომ ვაქცინის მიმართ ახასიათებს მდგრადობა, მუტაცია კიდევ უფრო ნაკლები აქვს. ჯერჯერობით არაა ნათელი, რამდენადაა A.VOI.V2 ვარიანტი გავრცელებული და საშიშია თუ არა სხვა შტამებთან შედარებით.