ექსპერტებმა ჭკუასუსტობის განვითარების რისკის შემცირების შესაძლებლობას მიაგნეს
შეიძლება 30%-ით შეამციროს დემენციის განვითარების რისკი. საუბარია სასუნთქ გზებში მუდმივი დადებითი წნევის შენარჩუნებაზე. თერაპია გულისხმობს ღამით ისეთი ნიღბის გაკეთებას, რომელიც მიერთებულია ყელში ჰაერის მიმაწოდებელ სისტემასთან.
მეცნიერებს მიაჩნიათ, რომ ამგვარ სისტემებს შეუძლიათ დემენციის რისკის შემცირება ტვინში ჟანგბადის მიწოდების გაზრდის თვალსაზრისით.
ძილის აპნოე (მოშლილობა, რომელიც ხასიათდება ხვრინვით და რომლის დროსაც ხდება სუნთქვის გაჩერება) ზრდის სისხლის წნევას, ზრდის ინსულტისა და გულის შეტევის რისკს. ზოგიერთი კვლევა აჩვენებს, რომ მკურნალობის არარსებობის შემთხვევაში ის ასევე ზრდის დემენციის რისკს.
ამერიკელმა სპეციალისტებმა გადაწყვიტეს შეემოწმებინათ რამდენად დაიცავს ადამიანებს ხვრინვისა და აპნოეს მკურნალობა დემენციის განვითარებისაგან.
ისინი მრავალი წლის განმავლობაში აკვირდებოდნენ 50000 პაციენტს. აღმოჩნდა, რომ პაციენტებში, რომლებიც დროდადრო იტარებდნენ მკურნალობას, ჭკუასუსტობის ნებისმიერი ფორმისა და ალცჰაიმერის დაავადების განვითარების რისკი 20-30%-ით უფრო დაბალი იყო. ღამით სპეციალური ნიღბის ტარება რისკს 35%-ით ამცირებდა.