ამირან გამყრელიძე - ველოდებით 100 ათას დოზა „სინოვაკის“ ვაქცინას - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ამირან გამყრელიძე - ველოდებით 100 ათას დოზა „სინოვაკის“ ვაქცინას

ამ დროისთვის ქვეყანაში „ასტრაზენეკას“ 11 000 დოზა დარჩა დაუჯავშნელი, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისი საკოორდინაციო საბჭოს სხდომის დასრულების შემდეგ ჟურნალისტებთან საუბრისას განცხადა.

მისივე თქმით, 30 აპრილიდან, აღდგომის დღესასწაულთან დაკავშირებით ქვეყანაში აცრები არ იქნება.

„ქვეყანაში დღევანდელი მონაცემებით, 31 911-ზე მეტი აცრა ჩატარდა, აქედან „ასტრაზენეკათი“ აცრილია 18 455 და „ფაიზერით“ 13 546 მოქალაქე. ჯავშანი 15 მაისამდე გაკეთებულია 23 332 დოზაზე, აქედან „ასტრაზენეკაზე“ არის 11 371 და „ფაიზერზე“ 11 961. დღევანდელი მონაცემებით აცრა მიმდინარეობს ქვეყნის 31 ჰოსპიტალში, აცრის 61 ბრიგადა და გამტარუნარიანობა ამ ბრიგადების არის 2000-მდე. დღეს დღიური აცრის საშუალო მაჩვენებელი 1300-1400-ის ფარგლებშია და სასურველია იყოს 2000-დან 3000-მდე. ამ ეტაპზე კიდევ მიმდიანრეობს გაფართოება, მეორედ უტარდებათ ტრენინგი დაახლოებით 100-მდე ჰოსპიტალს დაავადებათა კონტროლის ეროვნული ცენტრის და ალერგოლოგების მიერ და ვფიქრობთ, რომ მაისის ბოლომდე გავიდეთ 250-დან 300 ამცრელ ბრიგადაზე და ამცრელ ბრიგადაზე ვანგარიშობთ დაახლოებით 40-დან 50-მდე აცრას ყოველდღიურად.

დღეს „ასტრაზენეკას“ 11 000 დოზა გვაქვს დაუჯავშნელი ჯერჯერობით, დანარჩენი ან უკვე აცრილია ან დაჯავშნილი უკვე, ამის შემდეგ 27 აპრილს შემოვა 43 000 დოზა „ასტრაზენეკა“ და შემდეგ კიდევ მაისის შუა რიცხვებში შემოვა კიდევ 43 ათასი დოზა „ასტრაზენეკა“ - ეს ყველაფერი „კოვაქსის“ არხით შემოვა. ამასთან, გვაქვს „სინოფარმის“ 100 ათასი დოზა დასაწყოებული, რომლისთვისაც 27-ში გაიხსნება დაჯავშნის ფანჯარა და 4 მაისიდან დაიწყება აცრები.

ზოგადად 30 აპრილიდან, აღდგომის დღესასწაულთან დაკავშირებით აცრები არ იქნება ქვეყანაში. ჩვენ მოსახლეობასაც და თვითონ ამცრელ ჩვენს კოლეგებსაც ვაძლევთ შესვენების პერიოდს და 4 მაისიდან ეს ყველაფერი ისევ განახლდება“, - განაცხადა გამყრელიძემ.

გარდა ამისა, ამირან გამყრელიძის განცხადებით, მოქალაქეებს, რომლებმაც „ფაიზერის“ პირველი დოზა გაიკეთეს, მათთვის „ფაიზერის“ მეორე დოზა შენახულია და შეუძლიათ აიცრან.

„მე მინდა კიდევ ერთხელ გავაჟღერო ვინც აცრილია „ფაიზერის“ პირველი დოზით, არავის არ დაკარგვია მეორე დოზა, ყველასთვის შენახულია მეორე დოზა და ყველა ადამიანს შეუძლია აიცრას. ამის გარდა ველოდებით 100 ათას დოზა „სინოვაკს“ და მიმდინარეობს მოლაპარაკება ისევ „სინოფარმთან“ ნახევარ მილიონ დოზაზე, რომლის ნაწილიც დიდი ალბათობით შეიძლება, ივნისში მიიღოს ქვეყანამ“, - განაცხადა გამყრელიძემ.