ჩინეთი აღიარებს ვაქცინის არაეფექტურობას
ისინი განიხილავენ გამაძლიერებელი დოზების გამოყენებას, ასევე ახალ ტექნოლოგიებზე დამყარებულ ვაქცინებს.
შაბათს გამართულ კონფერენციაზე დაავადებათა კონტროლის ცენტრის ხელმძღვანელმა, გაო ფუმ განაცხადა, რომ ჩინეთის ვაქცინებს დაცვის მაღალი მაჩვენებელი არ აქვთ.
პეკინმა ასობით მილიონი დოზა დაარიგა, თუმცა ქვეყნებში, სადაც ჩინური ვაქცინა გამოიყენეს ახალი შემთხვევები დიდი რაოდენობით ფიქსირდება და რეკორდს ხსნის.
ექსპერტები ფიქრობენ, რომ ვაქცინების ან თანმიმდევრული იმუნიზაციის შერევამ შესაძლოა ეფექტურობა გაზარდოს.
ბრიტანეთში Pfizer-BioNTech-ის და AstraZeneca-ს ვაქცინის შესაძლო კომბინაციას განიხილავენ და სწავლობენ.
ჩინური „სინოვაკის“ ვაქცინის ეფექტურობა ბრაზილიის მკვლევრებმა 50.4%-ით შეაფასეს, რაც უახლოვდება ვაქცინის სარგებლიანობის ნიშნულს, რომელიც 50%-ს შეადგენს.
Pfizer-BioNTech-ის ვაქცინის ეფექტურობა კი 97%-ია.
„სინოვაკის“ წარმომადგენელმა ლიუ პეიჩენგმა აღიარა, რომ ვაქცინის ეფექტურობაზე ასაკი, ვირუსის შტამი და სხვა ფაქტორები ზეგავლენას ახდენენ.
ასევე აღნიშნა, რომ უკეთესია ვაქცინაციებს შორის შუალედი 14 დღე თუ იქნება.
„სინოვაკმა“ და „სინოფარმმა“ ვაქცინის ექპორტირება 22 ქვეყანაში განახორციელა, მათ შორისაა მექსიკა, თურქეთი, უნგრეთი, ბრაზილია და სხვ.
უგრეთი არის ერთადერთი ევროკავშირის წევრი ქვეყანა, რომელმაც ჩინური ვაქცინა გამოიყენა.
დღესდღეობით, ევროპული მედიკამენტების სააგენტოს (EMA) დამტკიცებული აქვს ოთხი ვაქცინა, ესენია: Pfizer/BioNTech, AstraZeneca/Oxford University, Moderna და Johnson&Johnson-ის ვაქცინები.
ამჟამად სააგენტო Sputnik V -ს განიხილავს.