მდიდარ ქვეყნებში ღარიბ ქვეყნებთან შედარებით ვაქცინაცია 25-ჯერ უფრო სწრაფად მიმდინარეობს
Bloomberg-ის მონაცემებით ვაქცინაციისთვის განკუთვნილი პრეპარატების გადანაწილება არათანაბრად მოხდა, რის გამოც ვაქცინების უდიდესი ნაწილი მდიდარმა ქვეყნებმა მიიღეს.
წყარო: www.bloomberg.com
როგორც შემაჯამებელი ანგარიშით ირკვევა - ვაქცინის 40 % გაკეთებულია 27 მდიდარ ქვეყანაში, რომელთა მოსახლეობაც მსოფლიო მოსახლეობის მხოლოდ 11%-ს შეადგენს.
ყველაზე ღარიბ ქვეყნებში მოსახლეობის დაახლოებით 1,6 %-ია აცრილი, ანუ იმუნიზაციის პროცესი ნაკლებად უზრუნველყოფილ ქვეყნებში 25-ჯერ ნელა მიმდინარეობს.
აცრების 24 % მოდის აშშ-ზე, სადაც ცხოვრობს პლანეტის მოსახლეობის 4,3 %, ხოლო პაკისტანზე, სადაც მსოფლიო მოსახლეობის 2,7 % ცხოვრობს - მოდის მხოლოდ 0,1 %.
ყველაზე ღარიბ აფრიკის კონტინენტზე, 54 ქვეყნიდან მხოლოდ 3-შია აცრილი მოსახლეობა, უფრო კონკრეტულად კი მოსახლეობის მხოლოდ 1 %.
მსოფლიოს 20 ქვეყანაში კი იმუნიზაციის პროცესი საერთოდ არ დაწყებულა.