კორონავირუსი

გასტროენტეროლოგთა რჩევები Covid-19 გამოჯანმრთელებულებს

გასტროენტეროლოგთა რჩევები Covid-19 გამოჯანმრთელებულებს
ცნობილია, რომ სისტემური ანთებითი რეაქცია Covid-19-ის დაავადების დროს სასუნთქი
სისტემის გარდა ხშირად სხვა ორგანოებსაც მოიცავს. ყველაზე გავრცელებულ სიმპტომებს შორის პაციენტებს აღენიშნებათ ხოლმე ნაწლავის ფუნქციათა დარღვევა და დიარეა.

ამ ეტაპისათვის შეჯამებული მონაცემების თანახმად დასახელებული სიმპტომები მოზრდილი პაციენტების 48, 5 %-თან ვლინდება.

ექიმი-გასტროენტეროლოგები სტაციონარიდან გამოწერის შემდეგ ადამიანებს ურჩევენ დიეტას, რომელიც გამორიცხავს შემწვარ, შებოლილ და ცხიმიან საკვებს. ასევე ფიტოპრეპარატების მიღებას ღვიძლის ფუნქციის გასაუმჯობესებლად.

იმის გათვალისწინებით, რომ ვირუსმა შესაძლოა ორგანიზმში ნაწლავის ეპითელიუმიდან შეაღწიოს, ბევრ პაციენტს ხანგრძლივად უნარჩუნდება მუცლის არის დისკომფორტი, დეფეკაციის დარღვევები და მიკროფლორის ცუდი
მდგომარეობა, რასაც ანტიბიოტიკებისა და ტოქსიკური მედიკამენტების მიღებაც განაპირობებს.

პაციენტებისათვის რეკომენდებულია მცენარეული პრეპარატების მიღება მიკროფლორის მდგომარეობის გასაუმჯობესებლად, ასევე პრობიოტიკებისა (ლაქტობაქტერიები, ბიფიდობაქტერიები) და პრებიოტიკების (საკვები ბოჭკოები).

საკვებ რაციონში აუცილებელია ისეთი პროდუქტების ჩართვა, რომლებიც დიდი რაოდენობით შეიცავს ძნელად მოსანელებელ ბოჭკოებს – ხახვი, სატაცური, ვარდკაჭაჭა, შვრია, ნიორი, ბანანი და
სხვა.