ბრიტანეთში 7 პირი გარდაიცვალა AstraZeneca-ს პრეპარატით ვაქცინაციის შემდეგ
ვაქცინაციის შემდეგ.
ინფორმაციას ავრცელებს BBC–ი მედიკამენტებისა და ჯანდაცვის პროდუქტების მარეგულირებელი სააგენტოს (MHRA) მონაცემებზე დაყრდნობით.
როგორც ცნობილია, 24 მარტისთვის ქვეყანაში თრომბოზის 30 შემთხვევა დააფიქსირეს AstraZeneca-ს პრეპარატით ვაქცინაციის შემდეგ.
22 პირს თავის ტვინში განუვითარდა თრომბები, 8 აცრილს სისხლის შედედების პრობლემები გამოუვლინდა. 7 პაციენტი კი - გარდაიცვალა.
MHRA ჯერ ვერ ხედავს მიზეზ-შედეგობრივ კავშირს AstraZeneca-ს პრეპარატით ვაქცინაციასა და თორმბოზების განვითარებას შორის, მიიჩნევს, რომ პრეპარატის სარგებელი აღემატება ვაქცინაციის რისკებს და კვლავ მოუწოდებს ხალხს აცრისკენ.
ცნობისათვის, ამ ეტაპზე ბრიტანეთში AstraZeneca-ს 18,1 მილიონი დოზაა გაკეთებული.