ახალი მასალით შესაძლებელი იქნება მრავალჯერადი პირბადეების დამზადება
ფორიანი მასალის მიღების მეთოდი. ფილტრაციის ეფექტურობა შეიძლება შევადაროთ კლასიკურ რესპირატორებს. ავტორების ანგარიშში ნათქვამია, რომ "სუნთქვის კომფორტულობის თვალსაზრისით აღნიშნული მასალა მიესადაგება პოლიპროპილენისგან დამზადებულ N95 კლასის პირბადეებს. რადგანაც მრავალჯერადი პირბადეები დამზადებულია სპილენძისაგან, მისი გაწმენდა შესაძლებელია ვირუსული ნაწილაკებისა და სხვა დაბინძურებისაგან სხვადასხვა საშუალებებით. ამასთან მასალას გააჩნია მძლავრი ბაქტერიოციდული თვისებები".
მსგავსი სტრუქტურები იქმნება სპილენძის, პალადიუმისა და სხვა ლითონების ნანოგამტარებისგან. აღნიშნული მასალა წარმატებით გამოიყენება კატალიზატორებისა და ჰაერის გამწმენდი სისტემების შექმნისას. კორონავირუსის პანდემიამ მკვლევარები იძულებულები გახადა აღნიშნული მასალების ადაპტაცია მოეხდინათ ვირუსული ნაწილაკების ფილტრაციისთვის.
ვირუსის ნაწილაკების შემაკავებელი მასალა სპილენძისგან მიიღეს. ის კარგად იტანს მექანიკურ დატვირთვას, აკავებს 0,1-0,4 მკმ ზომის ვირუსის ნაწილაკების 97%-ზე მეტს და N95 კლასის რესპირატორებზე უფრო ეფექტურია.
მნიშვნელოვანია, რომ სპილენძის მრავალჯერადი მფილტრავი შრის მქონე პროდუქტის ფასი არ იქნება მაღალი.