ვირუსით დასნებოვნება ორგანიზმზე ისევე ცუდად მოქმედებს, როგორც დაბერების პროცესი
ადამიანის ორგანიზმის იმუნურ სისტემაზე ახდენს ღრმა და ხანგრძლივ ზემოქმედებას. სტენფორდის უნივერსიტეტის ბოლო კვლევამ აჩვენა, რომ აღნიშნული ეფექტი შეიძლება შედარდეს დაბერებასთან. მნიშვნელოვანია რომ იმუნური დისფუნქცია ნარჩუნდება ვირუსის დასუსტების ან სხეულიდან მოშორების შემდეგაც.
გაკეთდა ხანდაზმული ადამიანებისა და აივ-ით ან ჰეპატიტი С-თი დაავადებული პირების (რომლებიც ხანგრძლივად იტარებდნენ ანტივირუსულ თერაპიას) იმუნური რეაქციების შედარება. მიუხედავად იმისა, რომ ანტივირუსული თერაპიის ეფექტურობა 97%-ს აღწევს, მათ იმუნურ სისტემაში დაფიქსირდა ხანდაზმული ადამიანებისთვის დამახასიათებელი ცვლილებები. კერძოდ, აღინიშნა მეხსიერების Т-უჯრედების, უჯრედებში სასიგნალო ანთების გზების ზრდა, ლიმფოციტებისა და მიელოიდური უჯრედების ციტოკინებისადმი მგრძნობელობის დაქვეითება.
მეცნიერების განმარტებით, თითოეულ ადამიანს აქვს ქრონიკული ვირუსული ინფექციების უნიკალური ნაკრები. საშუალოდ ადამიანები დასნებოვნებულები არიან 12-15 ან მეტი რაოდენობით ვირუსით. ამასთან ვირუსული ინფექცია შეიძლება ხანგრძლივად მიმდინარეობდეს შეუმჩნევლად. საბედნიეროდ, ჩვენი იმუნური სისტემა საკმაოდ პლასტიურია, რაც ფუნქციონირების კორექციის საშუალებას იძლევა.