"ასტრაზენეკათი" ვაქცინირებულ 18 მილიონ ბრიტანელში თრომბოზის 30 შემთხვევა გამოვლინდა
ერთობლივი ვაქცინით აცრილ ადამიანებში, თრომბოზული მოვლენების 30 შემთხვევა აღირიცხა. სულ ქვეყანაში აღნიშნული კომპანიის მიერ წარმოებული ვაქცინის 18.1 მილიონი დოზაა ადმინისტრირებული.
განცხადება ხუთშაბათს ბრიტანეთის მთავარმა მარეგულირებელმა გააკეთა. მედიკამენტების და ჯანდაცვის პროდუქტების მარეგულირებელმა სააგენტომ ისიც თქვა, რომ მსგავსი მოვლენები მათ არ დაუფიქსირებიათ "ფაიზერის" და "ბიონტექის" ერთობლივი ვაქცინის შემთხვევაში.
სააგენტო ისევ იმეორებს, რომ ვაქცინის სარგებელი ბევრად აღემატება მის შესაძლო უსაფრთხოების რისკებს, თუნცაც ეს თრომბის განვითარების რისკები იყოს.
შეგახსენებთ, რომ ჯანმოს მიერ ჩატარებულმა კვლევამ ვერ დაადასტურა, რომ თრომბოზის შემთხვევები პირდაპირ კავშირშია ასტრაზენეკათი ვაქცინაციასთან.
ექსპერტთა დასკვნაში ნათქვამია, რომ აცრილ პოპულაციაში თრომბოზების სიხშირე არ აღემატება აუცრელ მოსახლეობაში თრომბოზების სიხშირეს და ასეთი მოვლენები აცრის გარეშეც ხდება სხვადასხვა მიზეზით. ამიტომ ჯანმოს რეკომენდაციით ევროპის ქვეყნების უმრავლესობამ გააგრძელა ასტრაზენეკათი ვაცქინაციის პროცესი.