AstraZeneca -ს ვაქცინას სახელი გადაარქვეს - Vaxzevria
როგორც ევროპის წამლის სააგენტო (EMA) იუწყება - ამ პრეპარატს ახალი სახელწოდება აქვს- Vaxzevria.
ვაქცინის ე.წ. რებრენდინგი პრეპარატის მიერ გამოწვეული საშიში გართულებების ფონზე მოხდა.
რამდენიმე ევროპულ ქვეყანას ახლაც შეჩერებული აქვს ამ ვაქცინის გამოყენება, თუმცა, EMA ამტკიცებს, რომ პრეპარატი არ ზრდის თრომბოემბოლიის რისკს და მისი დამცველობითი ეფექტი აღემატება რისკებსა და გვერდით მოვლენებს. მკვლევარები ჯერ კიდევ შეისწავლიან მომხდარ ფაქტებს.
შვედეთის სამედიცინო პროდუქტების სააგენტოს პორტალზე მითითებულია, რომ პრეპარატის სახელის გადარქმევას სხვა ცვლილებები აღარ მოჰყვება, თუმცა, ვაქცინაციის სპეციალისტებმა უნდა იცოდნენ პრეპარატის ახალი სახელწოდება, რადგან ინფორმაციამ პროდუქტის შესახებ, მისმა მარკირებამ და შეფუთვამ შესაძლოა სახე იცვალონ.