რა ვიცით "ნოვავაქსის" ვაქცინაზე, რომლის მილიონი დოზის შემოტანაც იგეგმება საქართველოში
ნოვავაქსის ვაქცინის შემოსატანად. ამიტომ, ბუნებრივია, გაჩნდა კითხვები ამ ვაქცინასთან დაკავშირებით.
ამერიკული კომპანია "ნოვავაქსის" კოვიდ-19-ის ვაქცინამ ბრიტანულ კვლევაში მაღალი ეფექტურობა აჩვენა. ვაქცინას დაავადების პრევენციაში 96%-იანი შედეგი აღმოაჩნდა. აცრილებს შორის საერთოდ არ იყო მწვავე დაავადების ან სიკვდილის შემთხვევა, - აცხადებს კომპანია.
რაც შეეხება კორონავირუსის ახალ ვარიაციებს, "ნოვავაქსში" ამბობენ, რომ მათ ვაქცინა პირველად ბრიტანეთში აღმოჩენილ B.1.1.7 ვარიანტზეც გამოსცადეს. ამ შემთხვევაში ვაქცინის ეფექტურობა, ორიგინალურ ვერსიასთან შედარებით ცოტა ნაკლები, 86% იყო, თუმცა ეს მაინც ძალიან კარგ შედეგად ითვლება.
დღეს ბრიტანეთის პრემიერ-მინისტრმა, ბორის ჯონსონმა განაცხადა, რომ ბრიტანული ფარმაცევტული კომპანია GlaxoSmithKline (GSK) იწყებს ნოვავაქსის ვაქცინის წარმოება-დაფასოებას და იგეგმება 60 მილიონი დოზის წარმოება, რომელიც მოხმარდება როგორც ბრიტანელთა, ასევე სხვა ქვეყნების მოსახლეობის ვაქცინაციას.
ნოვავაქსი არ არის არც ვირუსულ ვექტორზე დამზადებული და არც რნმ-შემცველი ვაქცინა. ის მიეკუთვნება ცილოვან ვაქცინებს. ცილოვანი ვაქცინის დასამზადებლად იღებენ ვირუსის გარკვეულ ფრაგმენტს - ცილას, რომელიც გამოიწვევს იმუნურ პასუხს და გასუფთავებული ფრაგმენტი შეჰყავთ ორგანიზმში. ცილას არ შეუძლია დაავადების გამოწვევა და ასეთ ვაქცინებს არც მნიშვნელოვანი გვერდითი ეფექტები ახასიათებს.