იტალიაში "ნიგერიული" შტამი გამოვლინდა
ამის შესახებ განცხადებას ავრცელებს საინფორმაციო სააგენტო ANSA.
უფრო კონკრეტულად "ნიგერიული შტამი" დაფიქსირდა ლომბარდიასა და ბრეშიაში. მისი დიაგნოსტიკა შემთხვევით მოხდა.
მეცნიერები შიშობენ, რომ არსებული ვაქცინები ნაკლებეფექტური იქნება ამ შტამის წინააღმდეგ.
სპეციალისტთა განცხადებით, საუბარია კორონავირუსის მეტად იშვიათ ვარიანტზე, რომელიც უპირატესად აფრიკაში ვრცელდება, კონკრეტულად ნიგერიაში.
"ამ ეტაპზე განსაკუთრებულად მნიშვნელოვანია ვირუსის იზოლირება, სხვა საწყის და მუტაციურ ვარიანტებთან შედარებით მისი აგრესიულობის შესაფასებლად.
ასევე საინტერესოა, აღმოჩნდება თუ არა ის მდგრადი ვაქცინაციით გამომუშავებული ანტისხეულების მიმართ - აღნიშნავს იტალიის ვირუსოლოგთა საზოგადოების პრეზიდენტი, პროფესორი არნალდო კარუზო.