პრაღის ზოოპარკში გორილა და ლომები კორონავირუსით დაინფიცირდნენ
ჩეხეთში Covid 19-ით დაავადების შემთხვევათა აფეთქების ფონზე ზოოპარკი დიდი ხანია დაკეტილია. მიუხედავად კარანტინისა, ცხოველები მაინც დაავადდნენ, სავარაუდოდ, ზოოპარკის თანამშრომლებისგან.
ლომებს - ჯამვანსა და სუხის და მამრ გორილა -რიჩარდს კორონავირუსზე ტესტი დადებითი აღმოაჩნდათ.
"ცხოველებს დაავადების საშუალო სიმძიმის ფორმა აღენიშნებათ: ლომებს ხველა და ცხელება აწუხებთ, რიჩარდს კი -მადის დაქვეითება და სისუსტე" -აცხადებს ზოოპარკის დირექტორი მიროსლავ ბობეკი.