Moderna ახალი შტამების წინააღმდეგ ვაქცინის გამოცდას იწყებს - მკურნალი.გე

თინათინ გოცაძე

კომპანიამ გააგზავნა ახალი ვერსიის დოზები აშშ-ს ჯანდაცვის ეროვნულ ინსტიტუტში კლინიკური გამოცდისთვის.

კომპანიის გენერალური დირექტორის- სტეფან ბანსელის განცხადებით: "Moderna-მ დაასრულა სპეციფიკური ვაქცინის, mRNA-1273.351 კანდიდატის საკუთარი ვარიანტის წარმოება. ეს მასალა გამიზნულია SARS-CoV-2 –ის B.1.351-ით ცნობილი ვერსიის, პირველად, სამხრეთ აფრიკაში იდენტიფიცირებული შტამის წინააღმდეგ.

ვაქცინის ახალი ვერსია გადაიგზავნა ჯანდაცვის ეროვნულ ინსტიტუტში (NIH) კლინიკური გამოცდისთვის (ფაზა 1), რომელსაც ჩაატარებს და დააფინანსებს ალერგიულ და ინფექციურ დაავადებათა ეროვნული ინსტიტუტი (NIAID)"- აღნიშნულია ოფიციალურ განცხადებაში.

ვაქცინის განახლებული დოზა ბუსტერ-დოზად შეფასდება იმ პირებისათვის, რომლებმაც უკვე გაიკეთეს აცრა, ხოლო პირველადი ვაქცინა იქნება მათთვის, ვინც ჯერ არ დაავადებულა Covid 19–ით და არც იმუნიზაცია გაუვლია.

კომპანია ასევე ამოწმებს უკვე არსებული ვაქცინის მცირე დოზების გავლენას იმუნიტეტზე."

ჩვენ სწრაფად გადავდივართ ვაქცინების ტესტირება-განახლებაზე, რომლებიც ვირუსის ახალ ვარიანტებს ეხება.

Moderna ცდილობს შექმნას იმდენი განახლება, რამდენიც საჭიროა პანდემიის გასაკონტროლებლად!"

განცხადებაში ისიც დაზუსტებულია, რომ რამდენიმე საკვლევმა პირმა მესამე დოზა უკვე მიიღო.