ევროკავშირი ახალი შტამების წინააღმდეგ ვაქცინათა აღიარება-დამტკიცების პროცედურებს ამარტივებს
ამის თაობაზე განცხადება გააკეთა ჯანდაცვის საკითხების ევროკომისარმა სტელა კირიაკიდესმა Augsburger Allgemeine გამოცემასთან ინტერვიუში.
"ჩვენ საკითხი განვიხილეთ სამკურნალო საშუალებათა ევროპის სააგენტოსთან ერთად და გადავწყვიტეთ, რომ ვაქცინამ, რომელიც მწარმოებელმა ფირმამ სრულყო წინა პრეპარატის საფუძველზე, ახალ მუტაციასთან საბრძოლველად, აღარ უნდა გაიაროს დამტკიცების სრული პროცედურა.
პროცესი უნდა გამარტივდეს, ამ გზით სწრაფად მივიღებთ შესაბამის ვაქცინებს და ისინი ასევე უსაფრთხო იქნება"- განმარტა კომისარმა კირიაკიდესმა.
ცოტა ხნით ადრე ცნობილი გახდა, რომ კომპანიები Moderna და AstraZeneca მზად არიან კორონავირუსის სამხრეთ აფრიკული შტამის წინააღმდეგ თავიანთი ვაქცინების ადაპტირებისათვის.