ტრადიციული კარნავალი რიო-დე-ჟანეიროში წელს არ გაიმართება
ამის თაობაზე 22 იანვარს განცხადება გააკეთა ქალაქის მერმა - ედუარდო პაესმა. მისივე სიტყვებით - ეს ღონისძიება იგეგმება 2022 წელს მასობრივი ვაქცინაციის შემდეგ.
"2022 წელს, ჩვენ ყველა ერთად (მასობრივად აცრის შემდეგ) შევძლებთ, როგორც სიცოცხლის, ასევე ჩვენი კულტურის ზეიმს, სრული ინტენსივობით.
ეს ზეიმი მოითხოვს დიდ მომზადებას როგორც სახელმწიფო-სამთავრობო ორგანოებისგან, ასევე ასოციაციებისა და სამბას დაწესებულებებისგან, რისი განხორციელებაც ამ ეტაპზე წარმოუდგენელია. ამიტომაც, უნდა გაცნობოთ, მეჯლისი 2021 წელს არ გვექნება!
მე არასდროს დამიმალავს ჩემი დამოკიდებულება, სწრაფვა მეჯლისისადმი და მისი, როგორც კულტურული ღონისძიების უდიდესი ეკონომიკური მნიშვნელობა ჩვენი ქალაქისთვის, თუმცა, ამ ეტაპზე ფიქრიც კი უაზრობაა. ივლისში ჩვენ ვერ შევძლებთ ამ ღონისძიების გამართვას!" –განაცხადა პაესმა.