ევროკავშირი შეშფოთებას ვერ მალავს - ვაქცინების მიწოდებას კიდევ ერთი მწარმოებელი შეამცირებს
ევროკავშირის ქვეყნებისთვის ვაქცინის მიწოდების პრობლემაზე.
AstraZeneca – ც ამცირებს ვაქცინების მიწოდებას საწარმოო სიმძლავრეებთან დაკავშირებული პრობლემების გამო. ამან ევროკავშირის ჯანდაცვის მიმართულების კომისარის დიდი უკმაყოფილება გამოიწვია.
ყველაზე დიდი უბედურება ის გახლავთ, რომ ამ ეტაპზე არ არსებობს ინფორმაცია ოფიციალური პირებისგან იმ საკითხზე, თუ რამდენად დიდი იქნება ეს დეფიციტი.
ცნობილია მხოლოდ Reuters-თან კომენტარში ერთ-ერთი ევროპელი ჩინოვნიკის მიერ გაკეთებული განცხადება, რომელიც მან ანონიმურობის დაცვის პირობით გაამჟღავნა.
მისი განცხადებით - ვაქცინების მიწოდება 31 მილიონი დოზით შემცირდება ანუ 60 %-ით 2021 წლის პირველ კვარტალში. ეს ევროკავშირის სერიოზულ შეშფოთებას იწვევს.
როგორც ირკვევა, ფარმაცევტულ კომპანია AstraZeneca – ს მარტამდე 27 ქვეყნისთვის 80 მილიონი ვაქცინა უნდა მიეწოდებინა.