მეცნიერებმა კორონავირუსის პირველი 3D ფოტო შექმნეს
აქამდე გამოიყენებოდა მხოლოდ კომპიუტერული მოდელების გამოსახულებები.
მოცემული გამოსახულება წარმოადგენს ნამდვილი SARS-CoV-2 ვირუსის 3D ფოტოს, მყისიერად გაყინული სინჯიდან მიღებულს.
ის შექმნა Nanographics –ის ფირმამ, რომელიც ვენის ტექნიკური უნივერსიტეტის შვილეული კომპანიაა - აცხადებს DW.
შემქმნელმა ფირმამ გამოიყენა პეკინში ცინჰუას უნივერსიტეტის მეცნიერთა მონაცემები. ჩინელმა მეცნიერებმა შეძლეს სინჯებიდან კორონავირუსის დაუზიანებელი ნაწილაკების გამოყოფა, მათი სკანირება და ციფრულ ფორმატში შენახვა. მეცნიერები მაქსიმალურად შეეცადნენ არ შეცვლილიყო ცილათა სტრუქტურები ვირუსის ნიმუშებში.
Nanographics –ის ფირმის სურათებში კორონავირუსები მჭიდროდ ეკვრიან ერთმანეთს, თუმცა, ცალკეული ეგზემპლარების გამოყოფა მაინცაა შესაძლებელი, როგორც ამ გამოსახულებაზე!