გერმანიაში რესპირატორების ტარება შეიძლება აუცილებელი გახდეს
როგორც გაზეთი Bild იტყობინება, 18 იანვრიდან ასეთი რეგულაცია უკვე მოქმედებს ბავარიაში მაღაზიებსა და საზოგადოებრივ ტრანსპორტში.
გამოცემის მონაცემით, მთელი ქვეყნის მასშტაბით, რესპირატორების აუცილებელი ტარების გააწყვეტილება შეიძლება სამშაბათს მიიღონ. გერმანიის კანცლერი ანგელა მერკერი ფედერალური მიწების ხელმძღვანელებთან განიხილავს რეგულაციების გამკაცრებას კორონავირუსის ახალი შტამის გამო. კერძოდ: განიხილება კომენდანტის საათის შემოღების შესაძლებლობა, საზოგადოებრივი ტრანსპორტის მუშაობის შეზღუდვა, სადაც შესაძლებელია დისტანციურ მუშაობის რეჟიმზე დაწესებულებების გადასვლა.
16 დეკემბრიდან გერმანიაში მოქმედებს მკაცრი კარანტინი. დაკეტილია ყველა სავაჭრო წერტილი, გარდა პროდუქტების, სამეურნეო და ზოგიერთი სხვა მაღაზიებისა, რომლებიც სასიცოცხლოდ აუცილებელი საგნებით ვაჭრობენ. არ მუშაობენ საპარიკმახეროები, მუზეუმები, თეატრები, კოსმეტიკური სალონები, მოსწავლეები სწავლობენ დისტანციურად.
ავსტრიის კანცლერმა სებასტიან კურცმა მოსახლეობას ურჩია ჩვეულებრივი, სამედიცინო პირბადეების ნაცვლად საზოგადოებრივ ადგილებში ატარონ FFP2 კლასის პროფესიული რესპირატორული პირბადეები, მინიმალური დისტანცია დაიცვან 2 მეტრი. დამსაქმებლებს კი მოუწოდა თანამშრომლები მაქსიმალურად გადაიყვანონ დისტანციური მუშაობის რეჟიმზე.