ბრიტანეთი საზღვრებს კეტავს
ამის თაობაზე 15 იანვარს, საღამოს განცხადება გააკეთა გაერთიანებული სამეფოს პრემიერ-მინისტრმა ბორის ჯონსონმა. საზღვრები იკეტება 18 იანვარს 04:00 საათზე.
ბრიტანეთში გამკაცრდება მსოფლიოს ყველა ქვეყნიდან პირთა ჩამოსვლა. ქვეყანაში ჩამოსული ყველა პირი ვალდებული იქნება საზღვრის გადაკვეთისთანავე წარმოადგინოს კორონავირუსზე უარყოფითი ტესტი, ქვეყანაში შემოსვლისთანავე გაიაროს 10 დღიანი კარანტინი ან მიიღოს კიდევ ერთი უარყოფითი ტესტი 5 დღიანი იზოლაციის შემდეგ.
ჯონსონის სიტყვებით - ახალი ზომების მიღება მიზნად ისახავს კორონავირუსის ჯერ კიდევ დაუდგენელი შტამებისაგან თავდაცვას, საზღვრების ჩაკეტვა გაგრძელდება სულ მცირე 15 თებერვლამდე.
ამ განცხადებამდე, გარკვეული პერიოდით ადრე, ბრიტანეთმა და რამდენიმე სხვა ქვეყანამ დროებით აკრძალეს მგზავრთა შემოსვლა ბრაზილიიდან და პორტუგალიიდან. როგორც ცნობილია, ეს ნაბიჯი, "ბრაზილიური შტამის" გამოვლენას უკავშირდება.