Pfizer ამცირებს ევროპისათვის ვაქცინების მიწოდებას
ამის თაობაზე ნათქვამია ნორვეგიის ჯანდაცვის სამინისტროს განცხადებაში, რომელიც საზოგადოებრივი ჯანდაცვის ინსტიტუტის ოფიციალური ვებგვერდზეა განთავსებული.
15 იანვარს, დილით, უწყებამ მიიღო შეტყობინება მომავალი კვირიდან ვაქცინების მიწოდების შეზღუდვის თაობაზე. ნორვეგიაში ელოდნენ ვაქცინის 43 875 დოზის მიღებას, თუმცა, მიიღებენ მხოლოდ 36 075 დოზას.
როგორც საზოგადოებრივი ჯანდაცვის ინსტიტუტში აცხადებენ, მათ მოეპოვებათ პრეპარატის გარკვეული მარაგი, რაც მისცემს ვაქცინის მიღების შეზღუდვის კომპენსირების საშუალებას მომდევნო კვირებში.
საყურადღებოა, რომ შემცირება-შეზღუდვები შეეხება ევროპის ყველა ქვეყანას, თუმცა, არ არის ცნობილი, რამდენ ხანს გაგრძელდება ეს.
ამ ნაბიჯს Pfizer ხსნის წარმოების მოდერნიზაციით. მისივე განმარტებით, ამის შემდეგ კომპანია შეძლებს არა 1,3, არამედ 2 მილიარდი ვაქცინის წარმოებას წელიწადში.