კორონავირუსი გორილებსაც დაუდასტურდათ
როგორც აშშ-ში, ასევე მთელ მსოფლიოში.
როგორც Associated Press-თან პარკის აღმასრულებელმა დირექტორმა ლიზა პეტერსონმა განაცხადა - ერთად მცხოვრებ 8 გორილას ახალი ინფექცია აღენიშნება. ზოგ მათგანს ხველა აწუხებს. სავარაუდოდ, პრიმატების დასნებოვნება ზოოპარკის თანამრომლისგან მოხდა, რადგან პარკი დამთვალიერებელთათვის 6 დეკემბრიდან დაკეტილია.
ვეტერინარები ყურადღებით აკვირდებიან ცხოველთა ჯანმრთელობის მდგომარეობას, შესაბამისად, პრიმატები დარჩებიან თავიანთ საცხოვრებელ სივრცეში კალიფორნიის შტატის ჩრდილოეთის პარკში. ამ ეტაპზე ცხოველებს მიეწოდებათ წყალი, საკვები და ვიტამინები, ცხვირში გაჭედვისა და ხველის მიუხედავად, გორილები თავს კარგად გრძნობენ.
ველური ბუნების საერთაშორისო ფონდის მონაცემებით - ამ სახეობის პრიმატების რიცხობრიობა ბოლო ორი ათწლეულის მანძილზე 60 %-ზე მეტით შემცირდა, როგორც დაავადებების, ასევე ბრაკონიერობის გამო; ამგვარად, გორილების კორონავირუსით დაინფიცირების ფაქტს ექსპერტები საგანგაშოდ და საყურადღებოდ მიიჩნევენ!