პირველი ალერგიული რეაქცია ვაქცინა Moderna-ზე აშშ-ში
ამის შესახებ ინფორმაციას ავრცელებს The New York Times.
უფრო კონკრეტულად პრეპარატმა გვერდითი მოვლენა გამოავლინა ერთ-ერთ ბოსტონელ ექიმთან, პრაქტიკულად რამდენიმე წუთში ვაქცინის შეყვანიდან.
ბოსტონის სამედიცინო ცენტრის გერიატრიული ონკოლოგი - ხოსეინ სადრზადე აღნიშნავს, რომ პრეპარატის შეყვანისთანავე ცუდად გახდა, ცივმა ოფლმა დაასხა, დაუბუჟდა ენა, დაეცა წნევა და იგრძნო გულისცემის გახშირება.
როგორც ირკვევა, მანამდე ექიმს მწვავე ალერგიული რეაქცია გამოუვლინდა მოლუსკებზე. ბოსტონელი მამაკაცის განმარტებით - ეს სიმპტომები მოლუსკებზე გამოხატული მწვავე ალერგიული რეაქციის ანალოგიური იყო.
Moderna-ს წარმომადგენელი - რეი ჯორდანი აცხადებს, რომ მას ამ ეტაპზე, გამოვლენილი შემთხვევით, არ შეუძლია ვაქცინის გვერდით მოვლენებზე კომენტარის გაკეთება და რომ კომპანიაში ამ ფაქტს საფუძვლიანად შეისწავლიან.