კორონავირუსის ახალმა ბრიტანულმა შტამმა დააფრთხო ევროპა
აკრძლეს ფრენები ბრიტანეთიდან. ბრიტანეთთან ავიათანამშრომლობაზე უარს აცხადებს კუვეიტიც. 48 საათით შეჩერდება ფრენები ბრიტანეთში საფრანგეთისა და ირლანიდის მხრიდანაც.
21 დეკემბრიდან 1 იანვრის ჩათვლით ყველა ავიარეისის შეჩერებაზე გააკეთა განცხადება ლატვიის საგარეო საქმეთა სამინისტრომაც. იგივე გადაწვეტილება მიიღო ესტონეთმა.
ჯანმოს წარმომადგენლების განცხადებით, ისინი მუდმივ კონტაქტში არიან ბრიტანეთის ხელისუფლებასთან ქვეყნის ტერიტორიაზე ვირუსის ახალი შტამის გამოჩენის საკითხთან დაკავშირებით და მუდმივად მიაწვდიან მსოფლიოს ახალ ინფორმაციებს.
სამწუხაროდ, გაერთიანებული სამეფოს საზღვრებს გარეთ ახალი შტამით ავადობის 9 შემთხვევა დადასტურდა უკვე დანიაში, ერთი - ნიდერლანდებში, ერთი კი - ავსტრალიაში.
ამ ეტაპზე ცნობილია, რომ ახალი შტამი უფრო სწრაფად ვრცელდება კორონავირუსის ცნობილ ვარიანტთან შედარებით, თუმცა, მეცნიერთა აზრით, ის უფრო მეტად აგრესიული და მომაკვდინებელი არ არის, შესაბამისად, უფრო მძიმე გართულებებსაც არ იწვევს.
თავად ბრიტანელთა განცხადებით - ახალი შტამი ცნობილ ვირუსზე 70 %-ით კონტაგიოზურია ანუ უფრო სწრაფად აავადებს. ამ ეტაპზე არც ის არის ცნობილი, რამდენად იმოქმედებს შექმნილი ვაქცინები კორონავირუსის ახალ შტამზე.