იაპონია კორონავირუსს რობოტების საშუალებით ებრძვის
რომელსაც შეუძლია სახელმწიფო და კერძო საწარმოების სხვადასხვა დავალების შესრულება. კომპანიის ანგარიშში ნათქვამია, რომ რაზმში შედიან ავტომატიზირებული მტვირთავები და მიმტანები, რომლებსაც საწყობებში დამოუკიდებელი მუშაობა შეუძლიათ. ასევე შექმნილია პატრულ-რობოტი სამართალდარღვევის ფიქსაციის კამერით, რომელი იმავდროულად დეზინფიკატორის როლსაც ასრულებს.
რობოტების რაზმის ავტორების თქმით, ამ რობოტებს გააჩნიათ სენსორების ნაკრები, რომლებიც ცოცხალ ადამიანებზე არ გააფრქვევენ გამწმენდ ხსნარებს. ამასთან მათი მართვა შესაძლებელია დისტანციურად, რეგულარული დეზინფექციის ობიექტების მითითებით (ლიფტის ღილაკები, კარის სახელურები).
ამასთან, ფუკუის პრეფექტურაში, საავადმყოფოში იზოლირებული, კორონავირუსით დაავადებული პაციენტებისათვის გამოიყენება კომპანია ANA Holdings-ის სისტემა. ეს მოძრავი მონიტორიანი პლატფორმა მოწოდებულია კონსულტაციის ვიდეოკავშირით ჩატარებისათვის. ინფიცირებულის გაწერის შემდეგ, პალატების დასუფთავებას ახორციელებს Omron-ის რობოტი. აღნიშნული მოწყობილობა შედგება რვა ბაქტერიოციდული ლამპისგან და შეუძლია, დაგეგმილი რუქით, საავადმყოფოში ავტონომიური გადაადგილება.
თუ ადამიანს აქვს ინფექციის მსუბუქი ან ზომიერი სიმპტომები და იმყოფება იზოლაციაში, მარტოობის ფონზე ფსიქიკური გადახრის განვითარების რისკის შესამცირებლად, კორპორაციამ Unirobot შეიმუშავა მინიატურული, ადამიანის მსგავსი ანდროიდი. მას აქვს მონიტორი ვიდეოკავშირისათვის, ასევე მუშაობს თავად რობოტთან საუბრის ფუნქცია, რომელიც დროთა განმავლობაში იმახსოვრებს მომხმარებლის პრიორიტეტებს და პასუხებს სცემს მონაცემთა ბაზაზე დაყრდნობით. ანდროიდი ადამიანის ემოციების განსაზღვრის გზით, რეაგირებს მასზე. მაგალითად, თუ დაფიქსირდა ემოციური დათრგუნვის ნიშნები, ანდროიდი გამამხნეველ სიტყვებს წარმოთქვამს.