მკვლევარები იმედოვნებენ, რომ ნაზალური სპრეი გახდება ინფიცირებისაგან დაცვის მძლავრი საშუალება
პენსილვანიის უნივერსიტეტისა და კომპანიის ღეგენერონ მეცნიერები იკვლევენ როგორ შეიძლება გენური თერაპიის ტექნოლოგიების გამოყენება ნაზალური სპრეის მისაღებად, რომელიც დაიცავს ადამიანს ახალი კორონავირუსით დასნებოვნებისაგან. იდეის არსი იმაში მდგომარეობს, რომ გამოყენებული იქნას დასუსტებული ვირუსი ცხვირის, ხახის უჯრედებისათვის გენეტიკური ინსტრუქციის მისაწოდებლად, რაც თავის მხრივ გამოიწვევს SARS-CoV-2ის მიმართ ანტისხეულების გამომუშავებას და ვირუსს არ მისცემს ორგანიზმში შეღწევის საშუალებას.
ამჟამად, ტექნოლოგიის ტესტირება მიმდინარეობს ცხოველებზე. ავტორები იმედოვნებენ ცხოველებზე კვლევის დასრულებას იანვარში. წარმატების შემთხვევაში ასეთი მიდგომით შესძლებელი იქნება ადამიანების დაცვა დაახლოებით 6 თვემდე ნაზალური სპრეის ერთჯერადი შეყვანის შემთხვევაში. ცნობილია, რომ ღეგენერონ-ის არსენალში არის იმედისმომცემი კორონავირუსის საწინააღმდეგო ორი ანტისხეული, რომლებიც უკავშირდებიან პათოგენის ზედაპირულ ცილას და არ აძლევენ მას უჯრედში შეჭრის საშუალებას.
ამ ანტისხეულების გამოყენება უკვე ნებადართულია COVID-19-ის მსუბუქი და ზომიერი ფორმის მკურნალობისთვის. კერძოდ, ისინი გამოიყენეს პრეზიდენტ დონალდ ტრამპის მკურნალობისას.
მკვლევარები იმედოვნებენ, რომ ნაზალური სპრეი გახდება ინფიცირებისაგან დაცვის მძლავრი საშუალება, რამეთუ კორონავირუსი ფილტვებში ხვდება ცხვირის საშუალებით. სპრეი იყენებს ცხვირის უჯრედების ცილოვან მექანიზმებს, რაც მათ ანტისხეულების გამომუშავებას უწყობს ხელს.