კორონავირუსი

ნახეთ, როგორია კორონავირუსის საწინააღმდეგო ჩინური ვაქცინის გამოცდის შედეგები

ნახეთ, როგორია კორონავირუსის საწინააღმდეგო ჩინური ვაქცინის გამოცდის შედეგები
ჩინურმა, შინოვაც -ის მიერ წარმოებულმა, კორონავირუსის საწინააღმდეგო ინაქტივირებულმა ვაქცინამ CoronaVac, წარმატებით გაიარა უსაფრთხოებასა და ეფექტიანობაზე კლინიკური კვლევის პირველ და მეორე ფაზა (მონაწილეობდა 700-ზე მეტი ჯანმრთელი მოხალისე). გასაჯაროვებული ინფორმაციის თანახმად, ვაქცინამ  CoronaVac გამოიწვია ძლიერი იმუნიტეტის გამომუშავება, ორკვირიანი ინტერვალით ორჯერადად შეყვანიდან, ერთი თვის შემდეგ.  

CoronaVac -ი  SARS-CoV-2-ის დასუსტებული ვერსიაა, რომლის უსაფრთხოებაც პირველადად დამტკიცებული იქნა მღრღნელებზე. ადამიანებზე გამოცდა დაიწყო ა.წ. აპრილის შუა რიცხვებიდან და მაისისი დასაწყისიდან. ვაქცინის უსაფრთხოებისა და ეფქტიანობის შესაფასებლად, ექიმებს მოხალისეებისთვის შეჰყავდათ ვაქცინის ორი დოზა ორ ან ოთხ კვირიანი შუალედით. ვაქცინის
პირველი დოზის შეყვანიდან 28 დღის შემდეგ მოხალისეებში გამომუშავდა ძლიერი იმუნიტეტი.  

გვერდითი მოვლენებიდან აღინიშნა ალერგია, თავის ტკივილი და ინექციის ადგილზე წვის შეგრძნება. კორონავირუსის მიმართ ანტისხეულები მოხალისეების უმრავლესობას გამოუმუშავდათ. მაგრამ შედარებით უფრო მძლავრი იმუნური პასუხი აღენიშნებოდათ იმ პირებს, რომლთაც მეორე ინექცია პირველიდან 28 დღის შემდეგ გაუკეთდათ.

მნიშვენლოვანია, რომ ვაქცინის შენახვა შესაძლებელი იქნება ჩვეულებრივ მაცივარში, ხოლო ვარგისიანობის ვადა 3 წელს შეადგენს.