კორონავირუსი

30000 აცრილიდან მხოლოდ 5 დაავადდა და ისინიც - მსუბუქი ფორმით - კიდევ ერთი ახალი ვაქცინა, რომლის ეფექტურობა 95%-მდეა

 30000 აცრილიდან მხოლოდ 5 დაავადდა და ისინიც - მსუბუქი ფორმით - კიდევ ერთი ახალი ვაქცინა, რომლის ეფექტურობა 95%-მდეა
კორონავირუსის საწინააღმდეგო კიდევ ერთმა ახალმა ვაქცინამ, როემლიც ამერიკულმა კომპანია
"მოდერნამ" შექმნა, 94,5% ეფექტურობა აჩვენა გამოცდის მესამე ფაზაზე.
ამის შესახებ კომპანიის პრეს-სამსახური იუწყება.

კვლევის დროს აცრილთაგან კოვიდ-19-ით დაინფიცირდა მხოლოდ 95 ადამიანი, მათგან 90 კი პლაცებოს იღებდა. სულ კვლევაში 30 000 ადამიანი მონაწილეობდა, ამრიგად ვაქცინამ არ იმუშავა მხოლოდ 5 პაციენტში 30 ათასიდან და ამ ხუთსაც დაავადება ძალიან მსუბუქი ფორმით ჰქონდა.

გარდა ამისა, კვლევამ აჩვენა, რომ ახალი პრეპარატი ჩვეულებრივ მაცივარში შენახვისას თვისებებს ერთი თვის განმავლობაში ინარჩუნებს, ხოლო ოთახის ტემპერატურაზე - 12 საათის განმავლობაში.

ეს მნიშვნელოვნად
ამარტივებს მისი ტრანსპორტირების საკითხს პფაიზერის ვაქცინასთან შედარებით - აღნიშნავს სქაი ნიუსი. შეგახსენებთ, რომ პფაიზერის ვაქცინამ გასულ კვირას 90%-იანი ეფექტურობა აჩვენა, თუმცა მისი შენახვა და ტრანსპორტირება განსაკუთრებულ ტემპერატურულ რეჟიმს (- 80 გრადუსს) მოითხოვდა.