კორონავირუსი

ბრიტანელმა მეცნიერებმა COVID-19–ის მძიმე ფორმების წინასწარ განმსაზღვრელი ტესტი შეიმუშავეს

ბრიტანელმა მეცნიერებმა COVID-19–ის მძიმე ფორმების წინასწარ განმსაზღვრელი ტესტი შეიმუშავეს
მეცნიერთა კიდევ ერთი შემოთავაზება ასეთია - შემოწმდეს და განისაზღვროს ორგანიზმის წინასწარგანწყობა "ციტოკინების შტორმისადმი!"
ბრიტანელმა სპეციალისტებმა გაარკვიეს - რა ახდენს გართულებათა განვითარებაზე გავლენას კორონავირუსული ინფექციის დროს. ჩატარებული კვლევის შედეგები დაეხმარებათ სპეციალისტებს იწინასწარმეტყველონ დაავადების მძიმე ფორმები და დროულად გაატარონ შესაბამისი ღონისძიებები პაციენტთა გადასარჩენად – აღნიშნულია ჟურნალში Respiratory Research.

ციტოკინები –სისხლში არსებული უჯრედული სასიგნალო მოლეკულებია, რომლებიც რთავენ რეაქციას იმუნური უჯრედების გააქტიურების დასახმარებლად. როგორც მკვლევარები ასაბუთებენ, კორონავირუსული ინფექციის დროს ციტოკინები მეტად უცნაურად იქცევიან _ გადამეტებულად აქტიურდებიან, ცდილობენ რა ორგანიზმში მოხვედრილ ინფექციასთან შებრძოლებას, შედეგად იწვევენ
ჰიპერანთებას, რომელიც აზიანებს და შლის უჯრედებსა და ქსოვილებს. Eამან შესაძლოა გამოიწვიოს გართულებები და დაავადებულის სიკვდილიც კი.

მეცნიერები საუტგემპტონის უნივერსიტეტიდან სთავაზობენ სპეციალისტებს შეამოწმონ ორგანიზმის წინასწარგანწყობა "ციტოკინების შტორმისადმი!" თუ ასეთ ტესტს ჩაუტარებენ პაციენტებს, გაირკვევა, აქვთ თუ არა მათ ციტოკინების მაღალი დონე სისხლში, შესაბამისი პაციენტები დროულად იქნებიან განთავსებულნი
ინტენსიური თერაპიის განყოფილებაში და მინიმუმამდე იქნება დაყვანილი ლეტალობის რისკები.

მკვლევართა აზრით - მათი შრომა დიდ დახმარებას გაუწევს სპეციალისტებს ციტოკინებით გამოწვეული ჰიპერანთების მაბლოკირებელი მედიკამენტების შექმნაში. ეს კი მნიშვენლოვნად შეამცირებს კორონავირუსით გამოწვეულ სიკვდილიანობას.