ფერარის იდუმალება და Covid-19
მსგავსად დიდი სატკივარი იყო, თუმცა, მეცნიერების ყურადღება თავიდანვე მიიპყრო ქალაქ ფერარიში დაავადებულთა და გარდაცვლილთა მცირერიცხობრიობამ. ამ ფაქტმა არაერთ ვარაუდსა და მეცნიერულ ჰიპოთეზას ჩაუყარა საფუძველი.
გაჩნდა შეხედულება, რომ ფილტვების დაზიანება მეორეული გართულება კი არ არის, არამედ პირველადად განვითარებული სიმპტომი, რომ ვირუსი არღვევს ჰემოგლობინის მეტაბოლიზმს, რამეთუ "გლეჯს" მას რკინას. ჰემოგლობინი რკინის გარეშე ხომ პრაქტიკულად უსარგებლოა და ამიტომაც ვითარდება ჰიპოქსია.
სწორედ ამ პროცესთა გამო განიცდის ადამიანი სულხუთვას, ჰაერის უკმარისობა სწორედ ამ მიზეზით იწყება და არა ფილტვის ქსოვილთა დაზიანების გამო.
სპეციალისტები განმარტავენ - ფერარიში ბევრი ადამიანი ცხოვრობს სისხლის თანდაყოლილი იშვიათი დაავადებით, რომელსაც ბეტა-თალასემია ჰქვია და რომელიც მოსახლეობას მალარიისაგან იცავს. აღნიშნული პათოლოგია არის ანემიის (თალასემია) ერთ-ერთი სახეობა, რომლის დროსაც ჰემოგლობინი არანორმალური (არასწორი) ფორმისაა. სწორედ ეს ანომალია ანუ ჰემოგლობინის უჩვეულო ფორმა ხელს უშლის ვირუსს სისხლიდან რკინის მიტაცებაში. რკინის დეფიციტის გამო კი ვირუსი სწრაფად გამრავლებას ვერ ახერხებს.
მეცნიერები დღესაც მუშაობენ ამ თეორიაზე და სხვადასხვა ქვეყნის ბევრი ექიმი ცვლის მკურნალობის სტრატეგიას, კერძოდ, ორიენტირებულია არა ფილტვების ხანგძლივ ვენტილაციაზე, არამედ მის ჟანგბადით მომარაგებაზე.
პანდემიის დაწყების დღიდან ძალიან ბევრმა ფაქტმა და მაჩვენებელმა დააფიქრა მეცნიერები, მკურნალობის სრულიად ახალი სტრატეგიისა და მიდგომების შემუშავებისკენ უბიძგა ექიმ-სპეციალისტებს.