კორონავირუსის 196 ახალი შემთხვევიდან 2 სენაკში გამოვლინდა, ინფიცირებულები სკოლის მოსწავლეები არიან
და ორივე არასრულწლოვანია. ,,კოვიდ 19" ინფიცირებულ პედაგოგთან კონტაქტში მყოფ ორ მოსწავლეს დაუდგინდა. საზოგადოებრივი ჯანდაცვის ადგილობრივი ცენტრის ინფორმაციით, პაციენტები რუხის საავადმყოფოში ამ წუთებში გადაჰყავთ.
,,ჩვენ გამოვიკვლიეთ ინფიცირებულ პედაგოგთან კონტაქტში მყოფი მასწავლებლები და მოსწავლეები, სულ 69 პირი, მათი ნიმუშები კვლევისთვის გაიგზავნა ლაბორატორიაში და ,,კოვიდ 19" მხოლოდ 2 ბავშვს დაუდასტურდა. ინფიცირებულები ახლა შესაბამის კლინიკაში გადაჰყავთ. მათ არანაირი ჩივილი არა აქვთ და მდგომარეობაც სტაბილურია. მიმდინარეობს კონტაქტების მოძიება ", - განაცხადა საზოგადოებრივი ჯანდაცვის სენაკის ცენტრის დირექტორმა, ანა ჭიჭაღუამ.
ამ დროისთვის, სენაკში სულ კორონავირუსის ექვსი შემთხვევაა გამოვლენილი.