Covid-19-ით დაავადებულ ტურისტებს თურქეთში საგანგებო ნომრებში აცხოვრებენ
24 აგვისტოდან სასტუმროები ვალდებულნი არიან გარკვეული ნომრები გამოყონ კორონავირუსით დაავადებული ტურისტებისათვის.
იმ სასტუმროებს, რომლებიც ამ მოთხოვნის იგნორირებას შეეცდებიან, სერტიფიკატის ანულირება ემუქრებათ.
ობიექტებს, რომლებიც 50-მდე ნომერს ფლობენ, საიზოლაციოდ ერთი ნომრის გამოყოფა ეკისრებათ, 300 ნომრამდე მფლობელებს კი – ექვსი ოთახის გამოყოფა ევალებათ.
აღნიშნული ნომრები ერთ სართულზე და ცალკე ბლოკში უნდა იყოს განთავსებული. დაავადებული ტურისტები, რომლებსაც არ ესაჭიროებათ ჰოსპიტალიზაცია, შეეძლებათ სასტუმროს იზოლატორ-ნომერში დარჩენა, ახლობლებთან და სხვა თანმხლებ პირებთან ერთად, ეკრძალებათ შენობის ანუ სასტუმროს დატოვება.
პერსონალი, რომელიც მათ მოემსახურებათ, სპეციალურ გადამზადებას გაივლის.
ამ დადგენილებისათვის თურქეთის პრეზიდენტმა - რეჯეფ თაიფ ერდოღანმა საგანგებო სხდომა მოიწვია.