კორონავირუსის საწინააღმდეგო ახალ ვაქცინას აბრეშუმის ჭიის ცილისაგან დაამზადებენ
ახალი ეფექტური ვაქცინის საფუძველი გახდეს. ეს არის კიუსიუს უნივერსიტეტის მიერ შემუშავებული მეთოდი. ცნობილია, რომ ახალი კორონავირუსის ზედაპირზე არის შ-პროტეინი. ის სამ-სამად ჯგუფდება და ქმნის ვირუსის ზედაპირისათვის დამხასიათებელ წვეტებს. ეს წვეტები ეხმარება ვირუსს ადამიანის უჯრედის დასნებოვნებაში. მეცნიერები სწორედ ამ წვეტების ბლოკირების საშუალებებს ეძებენ.
იაპონელი ვირუსოლოგების ანგარიშში ნათქვამია, რომ აბრეშუმის ჭიის საშუალებით ისინი აპირებენ კორონავირუსის მსგავსი ხელოვნური პროტეინის შექმნას.
აბრეშუმის ჭიის სხეულში ნერგავენ კორონავირუსის გენური ინფორმაციაჩანერგილ ბაკულოვირუსს. ზოგადად, ბაკულოვირუსი მხოლოდ მწერებს ასნებოვნებს, მაგრამ უვნებელია ადამინებისთვის. ჩანერგვიდან რამოდენიმე დღეში აბრეშუმის ჭიის სხეულში წარმოიქმნება ცილა, რომელიც ძალიან ჰგავს კორონავირუსის შ-პროტეინს.
ცნობილია, რომ მუშაობა მიმდინარეობს ვაქცინის ორ ტიპზე- საინექციო და პერორალურ ფორმაზე. მეცნიერების თქმით, მოქმედი აგენტის მიღების წარმოდგენილი მეთოდი დააჩქარებს და გააიაფებს ვაქცინის წარმოებას. ცხოველებზე ვაქცინის გამოცდა უნდა დაიწყოს მომდევნო წლის 31 მარტამდე.