COVID-19 –ის რუსულ ვაქცინას ჩინელებზე გამოცდიან
სავარაუდოდ, რუსი ვირუსოლოგების გამოგონებით ჩინელების აცრა დაიწყება. ამის შესახებ განცხადება გააკეთა ცნობილმა ჩინელმა ვირუსოლოგმა, აკადემიკოსმა ჩჟუნ ნანშანმა რუსეთ-ჩინეთის სამედიცინო კონფერენციაზე, რომელიც კორონავირუსთან ბრძოლის ერთობლივ საკითხებს მიეძღვნა.
აკადემიკოსმა აღნიშნა, რომ რუსეთმა შეძლო ახალი ვირუსით გამოწვეული სიკვდილიანობა შეემცირებინა, რის გამოც პანდემიის პირობებში რუსეთის გამოცდილება ყურადსაღები და შესასწავლია.
შეგახსნებთ, რომ რუსეთმა მსოფლიოში პირველმა დაარეგისტრირა COVID-19 –ის საწინააღმდეგო ვაქცინა; ამის შესახებ განცხადება რუსეთის ფედერაციის პრეზიდენტმა 11 აგვისტოს გააკეთა. ვაქცინის სახელწოდებაა "სპუტნიკ V".