მკვლევარებმა ვერ ნახეს კავშირი კორონავირუსის აფეთქებასა და მეტროთი მგზავრობას შორის
ვიდრე ჩვენ გვგონია. ექსპერტების განცხადებით, მეტროთი მგზავრობა ნაკლები რისკის შემცველია, ვიდრე შენობაში სადილი.
იმ ქვეყნებში, სადაც კორონავირუსის პანდემიის მასშტაბები შემცირდა, დაავადების შესამჩნევი აფეთქების კავშირი საზოგადოებრივ ტრანსპორტით მოძრაობასთან არ იქნა აღმოჩენილი.
კვლევის შედეგები იმაზე მეტყველებს, რომ მეტრო, საქალაქთაშორისო სარკინიგზო ტრანსპორტი და ავტობუსები ვირუსის გავრცელების მნიშვნელოვან წყაროს არ წარმოადგენს. ეს აქტუალურია მანამდე მაინც, ვიდრე მგზავრები ნიღბებს ატარებენ და ტრანსპორტიც ისე არ ივსება, როგორც პიკის საათებში პანდემიამდე იყო.
პარიზში დასნებოვნებულთა კონტაქტების კვლევისას, მაისიდან ივლისის შუა რიცხვებამდე გამოვლენილი ინფექციის 386 არსებული კლასტერიდან, არც ერთი არ უკავშირდებოდა საზოგადოებრივი ტრანსპორტის სისტემას- აღნიშნავს NYთ.
მსგავსი კავშირი ასევე ვერ აღმოაჩინეს ავსტრიაში, ტოკიოსა და ჰონკონგში.
მეტრო და ავტობუსები შედარებით თავისუფალია იმის გამო, რომ ადამიანები სახლიდან მუშაობენ. ჩვეულებრივ, ხალხი ტრანსპორტში, მცირე დროს ატარებს, ოფისთან თუ ბარ-რესტორანთან შედარებით. მგზავრები, ასევე როგორც წესი არ საუბრობენ, რის შედეგადაც ჰაერში ნაკლები სითხე გამოიყოფა.
ამავდროულად, საზოგადოებრივი ჯანდაცვის ექსპერტები გვაფრთხილებენ, რომ სიფრთხილის გამოჩენა აუცილებელია. ჯერჯერობით, საზოგადოებრივი ტრანსპორტით მოსარგებლეთა რიცხვი უფრო დაბალია, ვიდრე ეს პანდემიამდე იყო. ამას გარდა, ტრანსპორტის სავენტილაციო სისტემების ხარისხიც სხვადასხვანაირია.