მეცნიერებმა კორონავირუსი COVID-19-ის საწინააღმდეგო საშუალება აღმოაჩინეს
სპეციალისტებმა მოახერხეს რნმ-ის მოკლე მოლეკულების 61 სხვადასხვა ვარიაციის სინთეზი, რომელთაც სავარაუდოდ შეუძლიათ SARS-CoV-2-ის გამრავლების დათრგუნვა. ერთერთმა მათგანმა ვირუსის ფერმენტთან ურთიერთქმედებისას, მნიშვნელოვნად დააქვეითა ვირუსული ნაწილაკების კონცენტრაცია.
მეცნიერები ეძებდნენ მოლეკულას, რომელსაც შეეძლებოდა SARS-CoV-2-ის გენომის სხვადასხვა ნაწილთან მიერთება და მათი მუშაობის ბლოკადა. ამგვარი მიდგომის ეფექტურობა დამტკიცებული იქნა ატიპური პნევმონიის ვირუსზე. ფერმენტი უმნიშვნელოვანესია ვირუსის გამრავლებისათვის და პრაქტიკულად არ ექვემდებარება მუტაციას.
მეცნიერების თქმით, მოლეკულას მოქმედება ანტივირუსული პრეპარატი რემდესივირის მსგავსია. როგორც ექსპერიმენტებმა აჩვენა, დიდი დოზები დადებითად მოქმედებდა მაიმუნების ჯანმრთელობაზე - ვირუსის ნაწილაკები მცირდებოდა 2-3-ჯერ, სხეულის ტემპერატურა უბრუნდებოდა ნორმულ მაჩვენებელს და ქრებოდა კორონავირუსული ინფექციისთვის დამახასიათებელი ნაწლავების ფუნქციონირებასთან დაკავშირებული პრობლემები.