მეცნიერები პეკინში აღმოჩენილ კორონავირუსს კიდევ უფრო მეტად გადამდებად მიიჩნევენ
უფრო გადამდები აღმოჩნდეს. ამის შესახებ განაცხადა ვუჰანის ვირუსოლოგიის ინსტიტუტის სამედიცინო განყოფილების ხელმძღვანელმა იან ჩჯანციუმ.
მეცნიერის თქმით, დროთა განმავლობაში ვირუსი ევოლუციას განიცდის და იცვლება მისი მახასიათებლები. მისი აზრით, ჩინეთის დედაქალაქში აღმოჩენილი ახალი კორონავირუსი უფრო მაღალი ხარისხის კონტაგიოზურობით ხასიათდება.
ამასთან, სპეციალისტმა აღნიშნა, რომ პეკინში ამჟამად ზაფხულის მაღალი ტემპერატურაა, რაც ხელს უშლის დაავადების გავრცელებას. ჩინეთშიცაა შემუშავებული დაცვის ეფექტური მექანიზმები, რომელიც ვირუსთან წარმატებული ბრძოლის საშუალებას იძლევა.
რამოდენიმე დღის წინ, ახალი კორონავირუსი აღმოჩნდა პეკინის მსხვილ, სამრეწველო, საბითუმო ბაზარში "სინფადიში". ბაზრის მმართველმა დააზუსტა, რომ შAღშ-ჩოV-2 აღმოაჩინეს იმპორტირებული ორაგულის დასამუშავებელ დაფაზე. აღმოჩნდა, რომ დაინფიცირებული თევზი ბაზარში შემოვიდა ზღვის პროდუქტების დახურული "ცზინსენის" ბაზრიდან, სადაც ადრე გამოვლენილი იქნა ვირუსის გავრცელების კერა.
"სინფადის" ბაზრის შემოწმება მას შემდეგ მოხდა, რაც ჩინეთის დედაქალაქში კორონავირუსის ინფექციის ორთვიანი პაუზის შემდეგ რამოდენიმე ადამიანი დაავადდა. პეკინში დაავადების ახალი შემთხვევების გამოვლანასთან დაკავშირებით სრულად ან ნაწილობრივ დაკეტეს პროდუქტების ბაზრები.
უკანასკნელი მონაცემებით, ჩინეთში დასნებოვნებულია
84,4 ათასი ადამიანი, აქედან 4 638 გარდაიცვალა, ყველა სხვა დანარჩენი პრაქტიკულად გამოჯანმრთელდა.