უკრაინის პრეზიდენტის მეუღლე, ელენა ზელენსკაია, ჰოსპიტალიზირებულია ორმხრივი პნევმონიის გამო
კორონავირუსზე ტესტის შედეგი დადებითი აღმოაჩნდა, ჰოსპიტალიზებულია კიევის საავადმყოფოში ორმხრივი პნევმონიის დიაგნოზით-იტყობინება უკრაინის პრეზიდენტის ოფისი.
"ელენა ზელენსკაიას ამჟამინდელი დიაგნოზია: ჩოვიდ-19. ორმხრივი პოლისეგმენტური პნევმონია საშუალო სიმძიმის. იგი დამატებით ჟანგბადის მოწოდებას არ საჭიროებს. მდგომარეობა სტაბილურია."-ნათქვამია პრეზიდენტის ოფისის შეტყობინებაში.
გასულ კვირას უკრაინის პრეზიდენტის მეუღლეს ჩაუტარდა Pჩღ-ტესტირება კორონავირუსზე, რომელმაც დადებითი შედეგი აჩვენა.
უკრაინის პრეზიდენტს ვლადიმერ ზელენსკის და მათ შვილებს კორონავირუსული ინფექცია არ დაუდასტურდათ. მათ ორშაბათს ჩაიტარეს განმეორებითი ტესტირება, რომელმაც უარყოფითი შედეგი აჩვენა.
მეუღლის ავადმყოფობის გამო, ვლადიმერ ზელენსკი გადავიდა მუშაობის განსაკუთრებულ რეჟიმზე, რომელიც გულისხმობს პირადი შეხვედრების და მასობრივ ღონისძიებებში მონაწილოების შეზღუდვას.
"ამ პროტოკოლიდან გამონაკლისი შეიძლება დაიშვას მხოლოდ საგანგებო სიტუაციის პირობებში, რომელიც სახელმწიფოს მეთაურის მხრიდან დაუყოვნებლივ რეაგირებას მოითხოვს"- განაცხადეს პრეზიდენტის ოფისის პრეს-სამსახურში.