COVID-19-ის შემთხვევათა ნახევარზე მეტი დაფიქსირდა იმ რეგიონებში, სადაც ჰაერის ტემპერატურა 5-დან 15 გრადუსამდე იყო
ჩინელმა მეცნიერებმა დაადგინეს, რომ COVID-19-ის შემთხვევათა ნახევარზე მეტი დაფიქსირდა იმ რეგიონებში, სადაც ჰაერის ტემპერატურა იყო +5-დან +15-მდე ცელსიუსით. ექსპერტებმა გაანალიზეს ჰაერის ტემპერატური მაჩვენებელი მსოფლიოში ინფიცირების შემთხვევათა განაწილებასთან დაკავშირებით. გარდა ტემპერატურისა, ექსპერტებს ასევე აინტერესებდათ ჰაერის ტენიანობაც.
მათ გაანალიზეს 21 იანვრიდან 6 მაისამდე, მსოფლიოს 185 ქვეყანასა და რეგიონის COVID-19-ის დადასტურებული დაახლოებით 3,75 მილიონი შემთხვევა. აღმოჩნდა, რომ რეგიონებში +5-დან +15-მდე ცელსიუსის ტემპერატურის პირობებში დარეგისტრირებული იყო COVID-19-ის დადასტურებული შემთხვევების 60%. ამას გარდა, დადასტურებულ შემთხვევათა დაახლოებით 73,8%, აღინიშნებოდა იმ რეგიონებში, სადაც აბსოლუტური ტენიანობა კუბურ მეტრზე 3-დან 10 გ-მდე იყო.
მეცნიერების თქმით, ვირუსი როგორც ჩანს, უფრო ინტენსიურად ვრცელდება ჩრდილოეთ განედებში, სადაც ვირუსის კონცენტრაცია მნიშვნელოვნად იზრდება გარემოში, მათ შორის საგნის ზედაპირებზე. ექსპერტები გვაფრთხილებენ, რომ COVID-19 -ის პანდემია შეიძლება ციკლურად მიმდინარეობდეს, და აფეთქება განმეორდეს 2020 წლის შემოდგომაზე მსხვილ ქალაქებში.