ბრიტანელებისთვის შეხვედრები ნებადართული ორშაბათიდან იქნება
ინგლისელებს შეეძლებათ 6–კაციანი ჯგუფების სახით შეკრება ღია სივრცეებში, სკვერებსა და პარკებში. ასეთივე წესით შეკრება უკვე დაშვებულია ჩრდილოეთ ირლანდიაშიც.
ბორის ჯონსონმა იმასაც გაუსვა ხაზი, რომ ინგლისელებს შეეძლებათ კვების ობიექტებზე შეკრებაც, ოღონდ ჰიგიენის წესებისა და სოციალური დისტანცირების მკაცრად დაცვით.
შოტლანდიის პირველი მინისტრის - ნიკოლა სტერჯენის განცხადებით შოტლანდიაში დაშვებულია 8 ადამიანის ერთად შეკრება.
უელსში ორშაბათიდან ორ ოჯახს, დამოუკიდებლად ოჯახის წევრთა რიცხობრიობისა, შეეძლება შეხვედრა.
დიდ ბრიტანეთში ეტაპობრივად იხსნება სკოლები და ბაღები, ინგლისში 8 ივნისიდან სტომატოლოგიური კაბინეტებიც დაიწყებენ ფუნქციობას.