ვირუსოლოგების განმარტებით, კორონავირუსით დასნებოვნებულები არც ისე საშიშები არიან
კორონავირუსით დაავადებული პაციენტი გადამდები აღარაა დაავადების მე-11 დღიდან, მაშინაც კი თუ ტესტი ინფექციის არსებობას აჩვენებს. გადამდები ადამიანი არის სიმპტომების გამოჩენამდე დაახლოებით ორი დღით ადრე.
ინფექციის გადაცემის თვალსაზრისით, ადამიანი საშიში რჩება სიმპტომების (მაღალი ტემპერატურა, ხველება) გამოვლენიდან 7-10 დღის განმავლობაში. შესაბამისად მე-11 დღიდან ადამიანი საშიში უკვე აღარ არის. აღმოჩნდა, რომ დაავადების სიმპტომების მქონე პაციენტებში სტანდარტული ტესტები ორი კვირის შემდეგ შეიძლება "იჭერდნენ" ვირუსის ნაწილაკებს. შესაბამისად, ტესტირება აჩვენებდა დადებით შედეგს, თუმცა ეს არ ნიშნავდა რომ ადამიანს შეეძლო ვირუსის ვინმესთვის გადადება.
ამის საფუძველზე მეცნიერები ასკვნიან, რომ ვირუსის აქტიური რეპლიკაცია სწრაფად გადის დაავადების პირველი კვირის შემდეგ, ხოლო სიცოცხლისუნარიანი ვირუსის გამოვლენა, დაავადების მეორე კვირაზე უკვე ვეღარ ხდება.