შეიძლება თუ არა კორონავირუსით ხელმეორედ დასნებოვნება
ანტისხეულების არსებობა. ჯერჯერობით ცნობილი მხოლოდ ერთია: მსოფლიოში არ არის დადასტურებული არც ერთი ხელმეორედ დასნებოვნების ფაქტი. სამხრეთ კორეაში აცხადებდნენ, რომ იყო 260 განმეორებითი ინფიცირების შემთხვევა, თუმცა ეს მოსაზრება მაშინვე უარყვეს: ყველა შემთხვევა დაკავშირებული იყო Pჩღ ტესტირების ცრუ დადებით შედეგთან. ტესტები აჩვენებდნენ რესპირატორული ტრაქტის ეპითელიუმის უჯრედებში დაშლილი ვირუსების რნმ-ს. უჯრედი 3 თვემდე ცოცხლობს, ხოლო ვირუსის რნმ შეიძლება გამოჯანმრთელებიდან 1-2 თვის შემდეგაც აღმოჩნდეს- დაასკვნეს კორეელმა მეცნიერებმა. ეს კვლევა მიუთითებს გადატანილი ინფექციის შემდეგ იმუნიტეტის ჩამოყალიბებაზე.
ნიუ-იორკის სამედიცინო სკოლის კვლევების თანახმად, კორონავირუსის ანტისხეულებზე დატესტეს 1343 პაციენტი. აღმოჩნდა, რომ რაც უფრო მძიმედ მიმდინარეობდა კორონავირუსული ინფექცია ადამიანში, მით მეტი ანტისხეული გამომუშავდებოდა მის ორგანიზმში. ხანდაზმულ პაციენტებსაც დიდი რაოდენობით ანტისხეულები გამოუმუშავდებოდათ. ამერიკელებმა გამოარკვიეს, რომ ანტისხეულებს გამომუშავების დრო ფართოდ ვარირებდა, მაგრამ საშუალოდ ამას 24 დღე სჭირდება სიმპტომების გამოჩენიდან და 15 დღე სიმპტომების დასრულების შემდეგ.