ვინ აღმოჩნდა COVID-19-ისადმი მდგრადი - მკურნალი.გე

შეიძლება ახალი კორონავირუსის მიმართ მდგრადები აღმოჩნდენ. ამაზეა საუბარი აშშ-სა და შვეიცარიის მეცნიერების მიერ ჩატარებულ კვლევებში.

აღმოჩნდა, რომ SARS-CoV ვირუსით დასნებოვნება, რომელიც იწვევდა მწვავე რესპირატორულ სინდრომს, ასტიმულირებს  S-ცილაზე მიმართული ანტისხეულების გამომუშავებას. აღნიშნული ცილა პასუხისმგებელია უჯრედის ზედაპირზე არსებულ რეცეპტორებთან კორონავირუსის შეკავშირებაზე. ამ ანტისხეულების ერთერთ სახესხვაობას (S309) შეუძლია გაანეიტრალოს SARS-CoV2-ის S-ცილა. ამგვარად, ადამიანები, რომელთაც აქვთ გადატანილი ატიპური პნევმონია, შეიძლება აღმოჩნდნენ მდგრადები კორონავირუსის მიმართ.

მკვლევარების თქმით, ამგვარი ანტისხეულების კოქტეილი შეიძლება გამოყენებული იქნას COVID-19-ის მძიმე ფორმის და დასნებოვნების მაღალი რისკის მქონე ადამიანების მკურნალობისას.

19 მაისისთვის მთელ მსოფლიოში დაფიქსირებულია დასნებოვნების თითქმის 5 მილიონი შემთხვევა, გარდაცვლილთა რაოდენობა კი 320 ათასს შეადგენს.