ვროპის ქვეყნები პლიაჟებს ხსნიან
რის შედეგადაც ხელისუფლება არბილებს კარანტინის შეზღუდვებს. საფრანგეთში, საბერძნეთში და იტალიაში ასობით პლიაჟი გაიხსნა შეზღუდვების გათვალისწინებით. ამას გარდა, იტალიამ განაცხადა, რომ 3 ივნისიდან გახსნის საზღვრებს და ქვეყანაში გადაადგილების ნებართვაც იქნება. გერმანიში უკვე განახლდება ბუნდესლიგის მატჩები.
პლიაჟების გახსნის შემდეგ ზღვაზე გასვლის მსურველი იმდენად ბევრი იყო, რომ ადამიანები საათობით იდგენ რიგში სოციალური დისტანციის მოთხოვნის შესასრულებლად.
საფრანგეთის ხელისუფლება მოსახლეობას თავშეკავებულობისაკენ მოუწოდებს და აფრთხილებს, რომ პოლიცია დაშლის დამსვენებლებს, თუ ისინი პლიაჟზე შეჯგუფდებიან.
რამოდენიმე პლიაჟი გახსნა საბერძნეთმაც, სადაც ტურისტული სფერო მნიშვნელოვან როლს ასრულებს ეკონომიკაში. თუმცა იქ ნარჩუნდება შეზღუდვები და აკრძალვები.
შაბათს, მთელი ქვეყნის მასშტაბით, დაახლოებით 500 პლიაჟზე იყო ნებადართული გასვლა. მაგრამ მოქალაქეებმა უნდა დაიცვან სოციალური დისტანცირების ნორმები: 1000მ2-ზე დასაშვებია მხოლოდ 40 ადამიანის ყოფნა. ქოლგები უნდა განთავსდეს 4 მეტრიანი დაშორებით, ხოლო შეზლონგები ერთმანეთისგან მინიმუმ 1 მეტრის მანძილზე.