იტალია 3 ივნისიდან საზღვრებს ხსნის
შესაბამისი განკარგულების ხელმოწერით, ქვეყანამ ეკონომიკის გამოცოცხლების მიზნით, გადამწყვეტი ნაბიჯი გადადგა მსოფლიოში ყველაზე მკაცრი კარანტინის შერბილების მიმართულებით.
იტალია კორონავირუსით გარდაცვლილთა რაოდენობით მსოფლიოში მესამე ადგილზეა ა.შ.შ-სა და დიდი ბრიტანეთის შემდეგ. თუმცა ბოლო დღეების მანძილზე, ინფექციის გავრცელების დონე მნიშვნელოვნად ეცემა.
იტალიამ ევროპაში პირველმა შემოიღო ნაციონალური შეზღუდვები, რათა შეეჩერებინა კორონავირუსის გავრცელება, თებერვალში ქვეყნის ჩრდილოეთით მომხადარი ინფექციის აფეთქების შემდეგ.
კარანტინის რეჟიმის შერბილება მხოლოდ ორი თვის შემდეგ დაიწყო. 4 მაისს გაიხსნა სამრეწველო საწარმოები და პარკები.
შაბათიდან შერბილდა სასაზღვრო კონტროლი გერმანიას, შვეიცარიას, ავსტრიასა და საფრანგეთთან. სრულად ეს ქვეყნები საზღვრების გახსნას ზაფხულში გეგმავენ.