ესპანეთში გასული დღეღამის განმავლობაში ყველაზე ნაკლები ადამანი გარდაიცვალა
სიკვდილიანობის ანტირეკორდი ესპანეთში 1 აპრილს იყო დარეგისტრირებული- 24 საათში გარდაიცვალა 950 პაციენტი. ინფექციის გავრცელების დაწყებიდან ლეტალური გამოსავალის რაოდენობამ ესპანეთში 27 563 მიაღწია.
ესპანეთი, პანდემიის გამო, მსოფლიოში ერთერთი ყველაზე დაზარალებულ სახელმწიფოდაა მიჩნეული. მარტის შუა რიცხვებიდან, ქვეყანაში მოქმედებს საგანგებო მდგომარეობა, რის შედეგადაც ხელისუფლებამ შეძლო, მთელი ქვეყნის მასშტაბით, მოქალაქეების გადაადგილების შეზღუდვა.
რადგანაც კორონავირუსის გავრცელების დონე ესპანეთში თანდათანობით ქვეითდება, ხელისუფლება ეტაპობრივად არბილებს შეზღუდვებს. ამჟამად ყველა ასაკის ესპანელს შეუძლია ქუჩაში სეირნობა და ვარჯიში. ადამიანების თავშეყრის შეზღუდვისათვის ხელისუფლებამ დაადგინა სასეირნოდ გამოსვლის დროის ინტერვალები.
11 მაისიდან ქვეყნის მოსახლეობის ნახევარი გადავიდა პანდემიის გამო დაწესებული შეზღუდვების შერბილების ახალ ეტაპზე. ნებადართულია ახლობლებთან შეხვედრა, გარკვეული შეზღუდვებით იხსნება კაფეებისა და ბარების ტერასები, ოტელები, მუზეუმები. თუმცა ასეთი შერბილებისთვის არ აღმოჩნდა მზად მადრიდი და ბარსელონა.