როგორ შევარჩიოთ საპონი, ხელის კრემი და ეთერზეთი
ბევრმა უკვე გამოსცადა საკუთარ თავზე ანტისეპტიკების და ხელების ხშირად დაბანის გავლენა.
დეტერგენტები (სარეცხი საშუალებები) საპონი და სანიტაიზერები აშორებენ ჭუჭყსა და ვირუსის ნაწილაკებს, მაგრამ ასევე არღვევენ კანის ჰიდროლიპიდურ მანტიას, რის შედეგადაც ირღვევა მისი ფიზიოლოგიური ბარიერი, იკარგება ტენი და ვითარდება ნახეთქები.
სახლში უმჯობესია სინდეტის (სინთეზური დეტერგენტი) ტიპის საპონის გამოყენება. ამ დროს ოპტიმალურია სინთეზური საშუალებები, რომლებიც არ შეიცავენ ტუტეებს, თავისუფალი ცხიმოვანი მჟავების მაღალი შემცველობით. აფთიაქებში მათი ფართო არჩევანია როგორც თხევადი ისე საპნის ნაჭრების ფორმით.
კანის სიმშრალის დროს მხოლოდ ეთერზეთების იმედად ვერ ვიქნებით. ზეთი არბილებს კანს, მაგრამ სრულფასოვანი დატენიანება კრემის გარეშე შეუძლებელია.
ნებისმიერი ხელის კრემი გამოგვადგება ამ პირობებში. ნახეთქების გაჩენის შემთხვევაში, შემახორცებელი კრემები დაგვჭირდება. ამ შემთხვევაში საუკეთესო იქნება თუ აღიშნულ კრემის შემადგენლობაში ანთების საწინააღმდეგო ინგრედიენტები, თუთია და ვერცხლიც იქნება.